پیر , 26 ستمبر 2022

ملک میں موجودہ بحران کے ذمہ دار امریکہ اور ترکی ہیں: شام

شام کے نائب وزیر خارجہ نے کہا ہے کہ امریکی قبضے اور تیل چوری اور ترکی کی جانب سے دہشت گردوں کی حمایت، بحران جاری رہنے کی اصل وجوہات ہیں۔

شام کے نائب وزیر خارجہ بشار الجعفری نے مغربی ایشیا اور شمالی افریقہ میں اقوام متحدہ کے انسانی امداد کے ڈپٹی کوآرڈینیٹر طارق تلاحمہ سے ملاقات کے دوران کہا کہ شام میں غیرملکی مداخلت پسندی کے خطرناک نتائج برآمد ہوسکتے ہیں۔

انہوں نے کہا کہ ترکی نے شام میں بحران کو بڑھاوا دینے میں مرکزی کردار ادا کیا ہے۔ بشار الجعفری نے انقرہ کے تباہ کن اقدامات کو عالمی قوانین اور اصولوں کی کھلی خلاف ورزی قرار دیا۔

شام کے نائب وزیر خارجہ نے اقوام متحدہ کے عہدے دار سے بتایا کہ امریکی باوردی دہشت گرد شام کے قدرتی ذخائر کو لوٹ رہے ہیں اور شام کے عوام کو اپنے حق سے محروم کر رہے ہیں۔ انہوں نے کہا کہ قرارداد چھبیس بیالیس کے تحت دمشق کے اقتدار اعلی، سیاسی خودمختاری اور ارضی سالمیت پر زور دیا گیا ہے اور سلامتی کونسل کی قراردادوں پر تمام ممالک کی طرف سے عملدرآمد ضروری ہے۔

 

یہ بھی دیکھیں

پاک فوج کا ہیلی کاپٹر بلوچستان میں گر کر تباہ، 6 اہلکار شہید

کوئٹہ:پاک فوج کے شعبۂ تعلقاتِ عامہ (آئی ایس پی آر) نے بتایا ہے کہ پاک …