منگل , 27 ستمبر 2022

نیویارک ٹائمز کے صحافیوں کا ورک فرام ہوم کا مطالبہ، دفتر آنے سے انکار

واشنگٹن: امریکی اخبار نیویارک ٹائمز کے ایک ہزار سے زائد صحافیوں نے اپنے دفاتر میں واپس آنے سے انکار کرتے ہوئے دھمکی دی ہے کہ یونین کے مطالبات پورے نہیں کیے تو وہ ہڑتال کریں گے۔

کمپنی یونین کی ویب سائٹ کے مطابق تقریباً 1,300 نیوز گلڈ کے ممبر ملازمین کے ناموں کے ساتھ ایک خط بھیجا ہے جنہوں نے ’’ورک فرام ہوم‘‘ (دنیا کے کسی بھی حصے) سے کام جاری رکھنے کے عہد پر دستخط کیے جبکہ اسکے برعکس کمپنی اپنے ملازمین کو دوبارہ آفس واپس لانا چاہتی ہے۔

یونین نے اپنے خط میں لکھا کہ ہم کمپنی کو یاد دلانا چاہتے ہیں کہ وہ ہمارے کام کے اوقات کار کو یکسر تبدیل نہیں کرسکتی ہے، اس لیے ملازمین کہیں سے بھی کام جاری رکھیں گے۔قبل ازیں نیویارک ٹائمز کے 1,300 ملازمین کے دستخط شدہ خط کو سب سے پہلے دی ڈیلی بیسٹ نے رپورٹ کیا تھا۔

واضح رہے کہ کورونا وائرس کے دور میں نیویارک ٹائمز نے حالیہ اپنے صارفین میں نمایاں اضافہ کیا تھا جبکہ اپریل میں اخبار نے جو کاہن کو اپنا نیا ایگزیکٹو ایڈیٹر مقرر کیا تھا۔

یہ بھی دیکھیں

پاک فوج کا ہیلی کاپٹر بلوچستان میں گر کر تباہ، 6 اہلکار شہید

کوئٹہ:پاک فوج کے شعبۂ تعلقاتِ عامہ (آئی ایس پی آر) نے بتایا ہے کہ پاک …