بدھ , 30 نومبر 2022

نجف اشرف میں رسول خداﷺ و امام حسنؑ کا سوگ، 60 لاکھ زائرین کی شرکت

بغداد:حرم علوی کے میڈیا سیل کا کہنا ہے کہ حضرت رسول خدا ص اور امام حسن ع کی شب شہادت اور یوم شہادت کے پروگرام نہایت کامیاب رہے اور اس میں ساٹھ لاکھ سے زیادہ زائرین نے شرکت کی ۔

اس بیان میں آیا ہے کہ یہ اعداد و شماران لوگوں سے متعلق ہیں جو حضرت امام علی ع کے حرم مطھر اور اس کے اطراف میں موجود تھے اوران اعداد و شمارمیں شہرنجف میں موجود زائرین شامل نہیں ہیں اور اگر انھیں بھی شمار کیا جائے تو زائرین کی تعداد ساٹھ لاکھ سے کہیں زیادہ ہوگی۔

اس سال شیعہ مسلمان خاص طور سے عراقی زائرین کی بہت بڑی تعداد عراق کے مختلف شہروں سے پیدل چل کر نجف اشرف اشرف پہنچے۔

عراق کی سیکیورٹی فورسز نے حضرت رسول خدا ص کی رحلت اور امام حسن ع کی شب شہادت اور یوم شہادت کی مناسبت سے ہونے والی اٹھائیس صفر کی عزاداری کے پروگراموں اور جلوسوں کی حفاظت کے لئے شہرنجف اور اطراف میں سیکیورٹی کے سخت انتظامات کئے تھے۔

 

یہ بھی دیکھیں

ایران اور ترکی کے وزرائے خارجہ کا ترکی اور شام کی سرحدوں میں کشیدگی میں اضافے پر تبادلہ خیال

تہران:ایران اور ترکی کے وزرائے خارجہ کا ترکی اور شام کی سرحدوں میں کشیدگی میں …