ہفتہ , 26 نومبر 2022

آڈیو لیکس پر ایف آئی اے کی 5 رکنی انکوائری ٹیم تشکیل

اسلام آباد: کابینہ کی سب کمیٹی کے فیصلے کے تناظر میں سائفر پر آڈیو لیکس کی تحقیقات کے لیے ایف آئی اے کی 5 رکنی کمیٹی تشکیل دے دی گئی ہے۔ذرائع کے مطابق وزارت داخلہ کے احکامات پر ڈی جی ایف آئی اے نے 5 رکنی انکوائری ٹیم تشکیل دی، جس کے سربراہ ڈائریکٹر ایف آئی اے اسلام آباد زون عبدالجبار ہوں گے۔

انکوائری ٹیم کے دیگر ارکان میں ایڈیشنل ڈائریکٹر ایف آئی اے سائبر کرائم اسلام آباد، ڈپٹی ڈائریکٹر کاؤنٹر ٹیررازم ونگ، اسٹنٹ ڈائریکٹر آئی او اور ٹیم کے سربراہ کی طرف کوئی مقرر کردہ آفیسر شامل ہوں گے۔

ڈی جی ایف آئی اے نے معاملے کی حساسیت کے پیش نظر انکوائری ٹیم میں آئی ایس آئی، ایم آئی اور آئی بی سے ایک ایک آفیسر تعینات کرنے کی سفارش کردی ہے۔ اس سلسلے میں جاری مراسلے میں تینوں انٹیلی جنس ایجنسیوں کے تینوں افسران گریڈ 19 سے نیچے نہ ہوں کا بھی لکھا گیا ہے۔

یہ بھی دیکھیں

عمران خان ہمارے وزیراعظم، ڈٹ کیساتھ کھڑے ہیں: مونس الٰہی

لاہور:پاکستان مسلم لیگ ق کے سینئر رہنما اور سابق وفاقی وزیر چودھری مونس الٰہی نے …