سوڈان:مظاہرین نے گورنر کے دفتر سمیت سرکاری عمارت کو نذرِ آتش کر دیا

موغادیشو:جنوب مشرقی سوڈان میں بلیو نیل ریجن کے مرکز ڈیمازن شہر میں مظاہرین کے ایک گروپ نے گورنر کے دفتر سمیت سرکاری عمارت کو نذرِ آتش کر دیا۔

اس علاقے میں سینکڑوں لوگ گزشتہ ہفتے 200 سے زائد افراد کے ہلاک ہونے کا موجب بننے والی قبائلی جھڑپوں کے خلاف احتجاج کرنے کے لیے سڑکوں پر نکل آئے ۔

ہجوم نے مطالبہ کیا کہ بلیو نیل ریجن کے صدر احمد العمدا بادے کو قبائلی تنازعات پر قابو پانے میں ناکامی کی وجہ سے عہدے سے ہٹا دیا جائے۔21 اکتوبر کو بلیو نیل کے علاقے میں قبائلی تنازعات کی وجہ سے ایک ماہ کے لیے ہنگامی حالت کا اعلان کیا گیا تھا۔

سوڈان کی وزارت صحت نے اعلان کیا ہے کہ جولائی میں بلیو نیل کے علاقے میں ہاؤسا اور حمق قبائل کے درمیان جھڑپوں میں 109 افراد ہلاک ہوئے تھے۔

سالہا سال سے دشمنی ہونے والے بلیو نیل کے جوار میں آباد قبائل کے درمیان 19 تا 20 اکتوبر کو ہونے والی گھمسان کی جھڑپوں میں 200 سے زائد افراد ہلاک اور بھاری تعداد میں زخمی ہو گئے تھے۔