Iblagh News | حقائق تک رسائی اور ان کا ابلاغ
نیویارک: پاکستان کے انسپکٹر جنرل پولیس فیصل شہکار کو اقوام متحدہ کے سیکرٹری جنرل انتونیو گوئیترس کی جانب سے اقوام متحدہ کی پولیس ڈویژن کا ایڈوائزر مقرر کیا گیا ہے. وہ جلد اقوام متحدہ میں اپنی ذمہ داریاں سنبھالیں گے. فیصل شہکار آجکل پنجاب کے آئی جی پولیس کے طور پر کام کر رہے ہیں.
پنجاب یونیورسٹی سے سیاسیات اور لندن یونیورسٹی سے ایل ایل ایم کی ڈگری رکھنے والے فیصل شہکار اقوام متحدہ کے مختلف مشنز میں نو سال خدمات سرانجام دینے سمیت پولیس ڈیپارٹمنٹ میں کام کرنے کا 30 سالہ تجربہ رکھتے ہیں.
اقوام متحدہ کے پولیس ڈویژن نے پاکستانی پولیس آفیسر فیصل شہکار کی تعیناتی کا خیر مقدم کرتے ہوئے توقع ظاہر کی ہے کہ انکا وسیع تجربہ اس بات کو یقینی بنانے میں مدد کرے گا کہ اقوام متحدہ پولیس ڈویژن کو درپیش چیلنجز کو احن طریقے سے نمٹا جا سکے. فیصل شہکار کی تعیناتی پرتگال کے لوئس کیریلو کی اقوام متحدہ میں مدت ختم ہونے کے بعد عمل میں لائی گئی ہے۔
