منگل , 29 نومبر 2022

انسٹاگرام اب صارفین کی عمر کی تصدیق کرے گا

کیلیفورنیا: فوٹو شیئرنگ ایپ اِنسٹاگرام اب بچوں سے ویڈیو سیلفی یا شناختی کارڈ کے ذریعے ان کی عمر کی تصدیق کرے گی۔میڈیا رپورٹس کے مطابق اگر کوئی کم عمر صارف اپنا اکاؤنٹ اڈلٹ اکاؤنٹ میں تبدیل کرے گا تو صارف کو اپنی عمر ثابت کرنی ہوگی۔

یہ اقدام انسٹاگرام کی جانب سے نوجوانوں کی درست شناخت کے حوالے جاری جنگ اور بہت چھوٹے بچوں کو ایپ سے دور رکھنے کی کوشش کا حصہ ہے۔عمر کی تصدیق کرانے کے لیے پہلے انسٹاگرام میں برطانوی کمپنی یوٹی کا استعمال کرتے ہوئے سیلفی اپ لوڈ کی جائے گی۔

یوٹی ایک ڈیجیٹل شناخت کی کمپنی ہے جو سیلفی کی مدد سے عمر کا تعین کرتی ہے۔ کمپنی کا عمر کے متعلق اندازہ 98 سے 99 فی صد تک درست ہوتا ہے۔یہ کمپنی ویڈیو سیلفی میں صارف کے چہرے کے خد و خال کا جائزہ لیتی ہے اور عمر کا اندازہ لگاتی ہے۔

ایک بار اِنسٹا گرام اور یوٹی صارف کی عمر کی تصدیق کردیں گے تو اپ لوڈ کی جانے والی سیلفی ویڈیو ڈیلیٹ کردی جائے گی۔جبکہ دوسرا طریقہ اپنے شناختی کارڈ کی تصویر کو اپ لوڈ کرنا ہے۔

میٹا کی ذیلی کمپنی انسٹاگرام میں پبلک پولیسی کی سربراہ تارا ہوپکنس کا کہنا تھا کہ کمپنی چاہتی ہے کہ سب اس طریقے سے انسٹاگرام استعمال کریں جو ان کی عمر کے حساب سے مناسب ہو، جس کا مطلب ہے کہ کمپنی کو یہ جاننے کی ضرورت ہے کہ صارفین کی عمر کیا ہے۔ یہ اس انڈسٹری کا ایک چیلنج ہے۔

یہ بھی دیکھیں

سیلاب کی اطلاع دینے والا کم خرچ اور مؤثر سینسر تیار

بون: جرمن ماہرین نے دریاؤں میں پانی کے بہاؤ پر نظررکھنے والا ایک مؤثر اور …