اماراتی سربراہ اور اسرائیلی صدر کی شرم الشیخ سربراہی اجلاس کے موقع پر ملاقات

ابوظہبی:شرم الشیخ میں موسمیاتی تبدیلی کے سربراہی اجلاس میں شرکت کے لیے مصر جانے والے غاصب صہیونی حکومت کے سربراہ نے متحدہ عرب امارات کے سربراہ سے ملاقات کی۔

عالمی ذرائع نے خبر دی ہے کہ شرم الشیخ میں موسمیاتی تبدیلی کے سربراہی اجلاس میں شرکت کے لیے مصر جانے والے غاصب صہیونی حکومت کے سربراہ "اسحاق ہرزوگ” نے متحدہ عرب امارات کے صدر "شیخ محمد بن زاید” سے ملاقات کی۔

صہیونی صدر کا کہنا تھا کہ بن زاید کے ساتھ ملاقات میں دوطرفہ تعاون، موسمیاتی مسئلہ اور مشرق وسطیٰ کی صورتحال جیسے مختلف امور پر تبادلہ خیال کیا گیا۔

یہ ایسے حالات میں ہے کہ جب صہیونی وزیر اعظم نے ریاستی میں حکومتی اتحاد کی ناکامی کے بعد اس بین الاقوامی اجلاس میں اپنی شرکت منسوخ کر دی، جس کے بعد ہرزوگ نے ​​اعلان کیا کہ وہ اس اجلاس میں حکومتی وفد کی سربراہی کریں گے۔