پیر , 28 نومبر 2022

ہیکرز سے بچنے کے لیے آئی فون صارفین کو انتباہ جاری

کیلیفورنیا: ٹیکنالوجی کمپنی ایپل نے ہیکرز سے نمٹنے کے لیے آئی فون صارفین کو ایک ایمرجنسی انتباہ جاری کیا ہے۔میڈیا رپورٹس کے مطابق کمپنی کی جانب سے اپ ڈیٹس جاری کی گئی ہیں جن میں صارفین کو ہیکرز سے بچانے کے لیے سیکیورٹی میں موجود سقم کو ٹھیک کیا گیا ہے تاکہ ہیکرز صارفین کے آئی فون کو اپنے قابو میں نہ لے سکیں۔

ایپل کا کہنا ہے کہ اس اپ ڈیٹ میں آپریٹنگ سسٹم میں موجود مسائل کی تصحیح اور سیکیورٹی اپ ڈیٹس شامل ہیں اور تمام صارفین کو اس کو انسٹال کرنے کی تجویز دی جاتی ہے۔
اس اپ ڈیٹ میں دو سیکیورٹی نقائص کی تصحیح کی گئی ہے جن کی نشاندہی گوگل کی پروجیکٹ زیرو ٹیم نے کی تھی۔

یہ اپ ڈیٹ آئی او ایس 16.1 کے جاری کیے جانے کے کچھ دنوں بعد ہی سامنے آئی ہے۔ نئے آئی او ایس میں بھی سیکیورٹی مسائل کو ٹھیک کیا گیا تھا۔

ایپل کا کہنا تھا کہ ایپل کی اشیاء کی سیکیورٹی کو برقرار رکھنے کے لیے سب سے اہم چیز صارف یہ کر سکتے ہیں کہ اپنے سافٹ ویئر کو اپ ڈیٹ رکھیں۔

یہ اپ ڈیٹ صارفین کو بالکل مفت دستیاب ہے اور اس کا جلد از جلد انسٹال کیا جانا انتہائی اہم ہے۔

دوسری جانب بری خبر یہ ہے کہ آئی او ایس 16.1.1 تمام آئی فون صارفین کے لیے دستیاب نہیں ہے۔ اگر کوئی صارف اپنے پاس پُرانا آئی فون رکھتا ہے تو یہ اپ ڈیٹس حاصل نہیں کر سکے گا۔ درج ذیل آئی فون کے وہ ماڈلز ہیں جن میں آئی او ایس 16 اِنسٹال کیا جاسکتا ہے:

iPhone 14
iPhone 14 Plus
iPhone 14 Pro
iPhone 14 Pro Max
iPhone 13
iPhone 13 mini
iPhone 13 Pro
iPhone 13 Pro Max
iPhone 12
iPhone 12 mini
iPhone 12 Pro
iPhone 12 Pro Max
iPhone 11
iPhone 11 Pro
iPhone 11 Pro Max
iPhone Xs
iPhone XS Max
iPhone XR
iPhone X
iPhone 8
iPhone 8 Plus
iPhone SE (2nd generation or later)

یہ بھی دیکھیں

سیلاب کی اطلاع دینے والا کم خرچ اور مؤثر سینسر تیار

بون: جرمن ماہرین نے دریاؤں میں پانی کے بہاؤ پر نظررکھنے والا ایک مؤثر اور …