منگل , 29 نومبر 2022

ملک کی مسلح افواج جارح ممالک سے مقابلہ کرنے کے لئے تیار ہیں: وزیر دفاع یمن

سعودی اتحاد جنگ کو طولانی کرنے کے درپے ہے، یہ کہنا ہے یمن کی نیشنل سالویشن حکومت کے وزیر دفاع محمد العاطفی کا۔ذرائع کے مطابق یمن کی نیشنل سالویشن حکومت کے وزیر دفاع محمد العاطفی نے کہا کہ جارح سعودی اتحاد جنگ کو طولانی کرنے کے درپے ہے تاہم ملکی افواج اسکی ہر جارحیت کا مقابلہ کرنے کے لئے آمادہ ہیں۔

انہوں نے کہا کہ جارح فورسز کی آمادگی خود اس بات کی دلیل ہے کہ وہ لوگ جنگ بندی کو اپنی آمادگی اور تجدید قوت کے لئے حربے کے طور پر استعمال کرتے ہیں اور ان کا بنیادی مقصد جنگ کو طولانی کر کے یمنی عوام کی قومی ثروت کی لوٹ مار کرنا ہے۔وزیر دفاع یمن نے یہ بات زور دے کر کہی کہ ملک کی مسلح افواج جارح ممالک سے مقابلہ کرنے کے لئے تیار ہیں۔

واضح رہے کہ اقوام متحدہ کی نگرانی میں اب تک یمن میں متعدد بار جنگ بندی نافذ کی گئی ہے تاہم سعودی اتحاد نے جنگ بندی معاہدے کو بارہا پامال کرتے ہوئے اپنی جارحیتوں کا سلسلہ جاری رکھا۔

آخری جنگ بندی کی میعاد دو اکتوبر کو اپنے اختتام تک پہنچی اور اسکے بعد سعودی عرب اور اسکے اتحادیوں کے جارحانہ اقدامات کے سبب دوبارہ اُس پر اتفاق نہیں ہو سکا۔

واضح رہے کہ یمن پر آل سعودی کی جارحیت کو سات برس گزر چکے ہیں اور اسکے نتیجے میں اس ملک کی پچاسی فیصد بنیادی تنصیبات مکمل طور پر تباہ ہو چکی ہیں۔

 

یہ بھی دیکھیں

پیمرا نے سینیٹر اعظم سواتی کی تقریر نشر کرنے پر پابندی لگا دی

اسلام آباد:پیمرا نے پی ٹی آئی سینیٹر اعظم سواتی کی تقریر نشر کرنے یا اس …