اقوام متحدہ کا سعودی عرب میں سزائے موت پر سخت افسوس کا اظہار

ریاض:اقوام متحدہ کے انسانی حقوق کے دفتر کے ترجمان میں سے ایک نے آج اعلان کیا کہ اس سال 10 نومبر سے اب تک سعودی عرب میں 17 افراد کو پھانسی دی گئی ہے اور اس طرح اس ملک میں 2022 میں پھانسیوں کی تعداد 144 تک پہنچ گئی ہے۔

ایک رپورٹ کہ مطابق الزبتھ ٹرسل نے ان پھانسیوں کو "انتہائی افسوسناک” قرار دیا اور مزید کہا کہ سزا پانے والے شام، اردن، سعودی عرب اور پاکستان کے شہری تھے اور انہیں منشیات اور سامان کی اسمگلنگ سے متعلق جرائم میں سزا دی گئی تھی۔

"الخلیج الجدید” نیوز سائٹ نے حال ہی میں اپنی ایک رپورٹ میں سعودی عرب میں منشیات کی کھپت میں اضافے اور اس ملک میں منشیات کی درآمد اور ان ادویات کو دوسرے ممالک کو برآمد کرنے میں سعودی شہزادوں کے ملوث ہونے کی طرف اشارہ کیا اور لکھا: یہ مسئلہ مزید بڑھ گیا ہے۔

2015 اور 2019 کے درمیان، کیپٹاگون کے نام سے جانی جانے والی ایمفیٹامین قسم کی دوائیوں کی دنیا کی 45 فیصد سے زیادہ دریافتوں میں سعودی عرب کا حصہ تھا۔ سعودی عرب کی حکومت صورتحال کے خطرے کو تسلیم کرنے سے انکاری ہے اور اس کا الزام غیر ملکی جماعتوں پر عائد کرتی ہے۔ جبکہ شاہی خاندان کے افراد اور سیکورٹی فورسز منشیات کی تقسیم میں ملوث رہے ہیں۔

سعودی عرب دنیا میں منشیات کا تیسرا سب سے بڑا اور مشرق وسطیٰ میں سب سے بڑا صارف ہے اور اس ملک میں موجودہ قانون کے مطابق منشیات کا استعمال اور اسمگلنگ کی سزا موت ہے لیکن اس کا اطلاق عام شہریوں اور بیرون ملک تارکین وطن پر ہوتا ہے اور نہ کہ شاہی خاندان کے ان افراد کے لیے جو استغاثہ سے مستثنیٰ ہیں۔