اتوار , 5 فروری 2023

ایران میں پکڑے گئے امریکی جاسوس حالیہ فسادات میں ملوث تھے:جنرل علی فدوی

تہران:سپاہ پاسداران انقلاب اسلامی کے سینئر کمانڈر جنرل علی فدوی نے دشمن چینل ایران انٹرنیشنل کے کچھ سرغنوں کی گرفتاریوں کی جانب اشارہ کرتے ہوئے کہا کہ یہ لوگ امریکا کی جاسوسی اور خفیہ ایجنسیوں کے رابطے میں تھے۔

انہوں نے غیر ملکی چینلز کے کچھ سرغنوں کی گرفتاریوں کی خبروں کی جانب اشارہ کرتے ہوئے کہا کہ 44 سال سے حق اور باطل کے درمیان جنگ جاری ہے اور میدان جنگ میں فریق مقابل ہر وہ کام انجام دے رہا ہے جو اس کے بس میں ہے۔

ان کا کہنا تھا کہ دشمنوں کی ان ساری کوششوں کے باوجود انہیں ایک بھی کامیابی حاصل نہایں ہوئی ہے، دشمن اپنی مرضی کے مطابق کام انجام دیتے ہیں اور ہم بھی اللہ کے حکم کے مطابق عمل کرتے ہیں تاکہ دشمن کو شکست دے سکیں۔

سپاہ پاسداران انقلاب اسلامی آئی آر جی سی کے سینئر کمانڈر کا کہنا تھا کہ ایران کے حالیہ فسادات میں ملوث دشمن چینلز کے کچھ سرغنوں کو گرفتار کر لیا گیا ہے۔ ان کا کہنا تھا کہ ان لوگوں کو عدالت میں پیش کیا جائے گا اور پھر دیکھنا ہے کہ عدالت ان لوگوں کے بارے میں کیا فیصلہ کرتی ہے کیونکہ یہ لوگ ایران انٹرنیشنل چینل کے رابطے میں نہیں تھے جو دشمنوں کی جاسوس ایجنسی کا حصہ ہے بلکہ ان لوگوں کے امریکا کی جاسوسی اور خفیہ ایجنسیوں سے بھی رابطے تھے۔

یہ بھی دیکھیں

حماس کی سوڈان اور صیہونی حکومت کے درمیان تعلقات کو معمول پر لانے کی مذمت

مقبوضہ بیت المقدس:فلسطین کی اسلامی مزاحمتی تحریک "حماس” نے صیہونی حکومت کے ساتھ تعلقات کو …