منامہ میں اسرائیلی صدرکا استقبال قابل مذمت اور شرمناک ہے:باسم نعیم

مقبوضہ بیت المقدس:اسلامی تحریک مزاحمت [حماس] کے سیاسی شعبے کے سینیر رکن باسم نعیم نے اسرائیلی صدر کے دورہ بحرین اور منامہ میں ان کے استقبال کی شدید الفاظ میں مذمت کی ہے۔ ان کا کہنا تھا کہ ایک عرب حکمران کا ایک نسل پرست ریاست کے سربراہ اور سب سے بڑی دہشت گرد تنظیم کے سربراہ کے استقبال کا منظر قابل مذمت اور شرمناک ہے۔

نعیم نے ایک پریس بیان میں زور دیا کہ منامہ اپنی پوری تاریخ میں فلسطین کا ساتھ دینے کے لیے جانا جاتا ہے اور یہ استقبال ایک ایسے وقت میں ہوا ہے جب ہمارے نوجوانوں کا خون بہہ رہا ہے اور ہمارے نہتے شہریوں کے خون سے ان کے ہاتھ رنگے ہوئے ہیں۔

انہوں نے نشاندہی کی کہ یہ دورہ ایک ایسے وقت میں ہوا ہے جب مقدس مقامات کی حرمت کو پامال کیا جا رہا ہے، جن میں سب سے اہم مسجد الاقصیٰ ہے۔ ایک ایسے وقت میں جب عرب عوام قطر ورلڈ کپ میں شرکت کے لیے باہر جا رہے ہیں۔ عرب عوام نے اسرائیل کے ساتھ تعلقات استوار کرنے کو مسترد کردیا ہے۔

خیال رہے کہ اسرائیلی صدر اسحاق ہرزوگ گذشتہ روز بحرین کے سرکاری دورے پر منامہ پہنچے تھے۔