ہفتہ , 4 فروری 2023

آئی سی سی رینکنگ: ون ڈے میں بابر اعظم کی بادشاہت برقرار

دبئی: انٹرنیشنل کرکٹ کونسل نے ٹیسٹ اور ون ڈے کی نئی رینکنگ جاری کردی، جس میں بابر اعظم کی ایک روزہ میچز بادشاہت برقرار ہے۔آئی سی سی کی جانب سے جاری ون ڈے رینکنگ کے مطابق بابر اعظم پہلے جبکہ امام الحق دوسرے نمبر پر ہیں جبکہ جنوبی افریقا کے وین ڈر ڈوسن تیسرے، ڈی کوک چوتھے اور وارنر پانچویں نمبر پر ہیں۔

ون ڈے فارمیٹ میں اگر بالنگ کی بات کی جائے تو ٹرینٹ بولڈ بدستور پہلے نمبر پرقابض ہیں جبکہ جوش ہیزل ووڈ دوسرے اور مچل اسٹارک تیسرے نمبر پر ہیں جبکہ شاہین شاہ آفریدی پانچویں نمبر پر ہیں۔

آئی سی سی کی جانب سے جاری ہونے والی ٹیسٹ رینکنگ میں آسٹریلیا کے مارنس لبوشین نے دوبارہ پہلی پوزیشن حاصل کرلی جبکہ اسٹیو اسمتھ دوسرے، قومی ٹیم کے کپتان بابر اعظم تیسرے، جوئے روٹ چوتھے اور رشبھ پینٹ پانچویں نمبر پر ہیں۔

ٹیسٹ فارمیٹ میں اگربالنگ کی بات کی جائے تو رینکنگ کے اعتبار سے آسٹریلیا کے پیٹ کمنز پہلے، بھارت کے روی چندرن ایوشن، دوسرے، انگلش بولر جیمز اینڈریشن تیسرے، بھارت کے جسپرت بھمرا چوتھے اور شاہین شاہ آفریدی پانچویں نمبر پر ہیں۔

یہ بھی دیکھیں

پی سی بی نے مکی آرتھر کو نیا عہدہ دینے کا فیصلہ کرلیا

لاہور: پاکستان کرکٹ بورڈ (پی سی بی) نے مکی آرتھر کیلئے ہیڈ کوچ کی بجائے …