بدھ , 8 فروری 2023

نائیجیرین فضائیہ کے حملوں میں بوکوحرام کے 100 سے زائد عسکریت پسند ہلاک

ابوجا:نائیجیریا کی شمال مشرقی ریاست بورنو میں ایک حالیہ فضائی کارروائی کے دوران بوکو حرام کے 100 سے زائد عسکریت پسندوں کو ہلاک کر دیا گیا ہے۔نائیجیرین فضائیہ کے ترجمان ایڈورڈ گابکویٹ نے ایک بیان میں کہا کہ یہ کارروائی گزشتہ ہفتے ایک انٹیلی جنس رپورٹ کی بنیاد پر کی گئی ہے جس میں انکشاف ہوا تھا کہ بوکو حرام کا ایک کمانڈر اپنے بندوق والے ٹرکوں کے ساتھ بورنو کے ایک گاؤں میں منتقل ہوا ہے اور دیگر مقامات سے شدت پسند جنگجو اس کے پاس جمع ہو رہے ہیں۔

ایڈورڈ گابکویٹ نے بتایا کہ فضائیہ کے حملوں کی پہلی لہر میں متعدد عسکریت پسند مارے گئے اور مزید عسکریت پسند بعد میں ہونیوالے حملوں میں مارے گئے ہیں کیونکہ کچھ زندہ بچ جانے والے عسکریت پسند ہلاک ہونے والوں کی لاشوں کو نکالنے کیلئے واپس آئے تھے۔انہوں نے کہا کہ آپریشن بہت کامیاب رہا کیونکہ 100 سے زائد دہشتگردوں کو ہلاک و زخمی کر دیا گیا ہے جن میں سے درجنوں کی حالت تشویشناک ہے۔

 

یہ بھی دیکھیں

عاصف کروز میزائل فضا سے طویل فاصلے تک مار کرنے صلاحیت رکھتا ہے:جنرل محمد باقری

تہران:ایران نے پہلی مرتبہ اپنے عاصف کروز میزائل کی نقاب کشائی کی جو فضا سے …