جمعرات , 2 فروری 2023

عراق میں امریکہ کا جاسوس ڈرون تباہ

بغداد:عراق میں امریکہ کا ایک جاسوس ڈرون تباہ ہوا ہے۔ تسنیم خبر رساں ایجنسی کی رپورٹ کے مطابق عراق کے علاقے اربیل کے شمال میں امریکہ کا ایک جاسوس ڈرون گر کر تباہ ہوا ہے۔

عراقی کردستان کے علاقے میں دہشتگردی کا مقابلہ کرنے والے ذرائع کا کہنا ہے کہ امریکہ کا یہ جاسوس ڈرون تکنیکی خرابی کی وجہ سے گر کر تباہ ہوا ہے۔اربیل کے مقامی لوگوں کے مطابق اس واقعہ میں کوئی جانی نقصان نہیں ہوا ہے۔

واضح رہے کہ عراقی کردستان میں امریکی اور انکے حمایت یافتہ دہشتگرد ٹولے بڑے پیمانے پر سرگرم ہیں جس کے پیش نظر چند روز قبل عراقی حکومت نے عراقی کردستان کے حکام کو انتباہ دیا ہے کہ پڑوسی ممالک کے لئے خطرہ بننے والے گروہوں کو وہ لگام دے۔ بصورت دیگر عراق کی مرکزی حکومت خود ہی ان کے خلاف نوٹس لینے پر مجبور ہو جائے گی۔

 

یہ بھی دیکھیں

مبینہ بیٹی چھپانے پر عمران خان نااہلی کیس میں لارجر بینچ بنانے کا فیصلہ

اسلام آباد: عمران خان کے خلاف مبینہ بیٹی کو کاغذات نامزدگی میں ظاہر نہ کرنے …