بدھ , 8 فروری 2023

اسلام آباد میں بلدیاتی انتخابات کرانے کی تیاریاں دوبارہ شروع

اسلام آباد:اسلام آباد میں بلدیاتی انتخابات کرانے کی تیاریاں دوبارہ شروع کردی گئی ہیں۔ذرائع کے مطابق تمام ریٹرننگ افسران کو بیلٹ پیپرز جبکہ بیلٹ پیپرز ڈسٹرکٹ ریٹرننگ افسر کی جانب سے آر اوز کو فراہم کردیے گئے ہیں۔ ذرائع نے بتایا کہ ریٹرننگ افسران کو آج (اتوار) چھٹی کے روز بیلٹ پیپرز حاصل کرنے کیلئے طلب کیا گیا تھا۔

خیال رہے کہ اسلام آباد ہائیکورٹ نے 30 دسمبر کو ہونے والی سماعت کے دوران وفاقی دارالحکومت میں 31 دسمبر کو بلدیاتی انتخابات کرانے کا حکم دیا تھا جبکہ وفاقی حکومت نے اسلام آباد بلدیاتی انتخابات کے لیے فوری سیکیورٹی کے انتظامات سے معذرت کی تھی اور الیکشن کمیشن کے ذرائع نے بھی 31 دسمبر کو الیکشن کا انعقاد ناممکن قرار دیا تھا۔

بعدازاں حکومت اور الیکشن کمیشن نے اسلام آباد میں شیڈول کے مطابق بلدیاتی انتخابات کرانے کا سنگل بینچ کا فیصلہ چیلنج کیا تھا تاہم دونوں ہی اپیلوں کو پیر (2جنوری 2023) کے روز سماعت کیلیے مقرر نہ کیا گیا۔

یہ بھی دیکھیں

وزیر اعظم شہباز شریف اور وزیر خارجہ بلاول بھٹو بدھ کو ترکیہ جائیں گے

اسلام آباد:وزیراعظم شہباز شریف قیامت خیز زلزلہ کی تباہی کے بعد ترک عوام سے اظہار …