اسلام آباد:پاکستان تحریک انصاف (پی ٹی آئی) کے سینئر رہنما اور سابق وفاقی وزیر فواد چودھری نے کہا ہے کہ ایاز صادق نے آج جنرل باجوہ صاحب کو تنقید کا نشانہ بنایا، میں انتظار ہی کرتا رہا کہ میرے دوست احمد ملک کب پریس کانفرنس کریں گے۔
سماجی رابطے کی ویب سائٹ ٹوئٹر پر اپنے پیغام میں فواد چودھری کا کہنا تھا کہ مجھے انتظار ہے کہ میرے دوست احمد ملک پریس کانفرنس کر کے ایازصادق کے بیان کی مذمت کریں گے۔رہنما تحریک انصاف نے اپنے پیغام میں مزید کہا کہ لگتا ہے عمران خان کی باجوہ صاحب پر تنقید حرام ہے اور مسلم لیگ ن کی تنقید حلال تنقید ہے۔