جمعرات , 9 فروری 2023

آرمی چیف جنرل عاصم منیر کی سعودی وزیردفاع سے اہم ملاقات،اہم امور پر تبادلہ خیال

ریاض:آرمی چیف جنرل عاصم منیر ( COAS General Asim Munir ) نے سعودی وزیر دفاع شہزادہ خالد بن سلمان سے ریاض میں اہم ملاقات کی۔سعودی خبر ایجنسی کے مطابق رياض ميں ہونے والی ملاقات ميں عسکری اور دفاعی تعاون بڑھانے پر اتفاق ہوا ہے۔

ملاقات میں علاقائی اور بین الاقوامی امور پر بھی تبادلہ خیال کیا گیا۔ اس دوران سعودی وزیر دفاع نے دوطرفہ تعلقات مضبوط بنانے پرزوردیا ۔ شہزادہ خالد بن سلمان نے جنرل عاصم منیر کو آرمی چیف بننے پر مبارکباد بھی دی۔

دوسری جانب پاک افواج کے شعبہ تعلقات عامہ ( آئی ایس پی آر ) کی جانب سے جاری بیان کے مطابق آرمی چیف جنرل عاصم منیر چار سے دس جنوری تک سعودی عرب اور متحدہ عرب امارات کے سرکاری دورے پر ہیں۔

عسکری ادارے کے ترجمان کے مطابق آرمی چیف جنرل عاصم منیر دونوں برادر ممالک کی اعلیٰ قیادت سے ملاقات کریں گے۔ملاقاتوں میں باہمی دلچسپی، فوجی تعاون اور تعلقات پر توجہ رکھی جائے گی۔ دوروں کے دوران قومی سلامتی سے متعلق امور پر بات چیت کی جائے گی۔

ملاقات میں پاکستان کے سفیر امیر خرم راٹھور اور چیف آف اسٹاف میجر جنرل محمد عرفان اور ملٹری اتاشی بریگیڈیئر محمد عاصم شریک تھے۔ملاقات میں سعودی چیف آف اسٹاف لیفٹیننٹ جنرل فیاض الرویلی اور دیگر اعلی حکام بھی موجود رہے۔یہاں یہ بات بھی قابل ذکر ہے کہ آرمی چیف کا عہدہ سنبھالنے کے بعد یہ جنرل عاصم منیر کا پہلا سرکاری بین الاقوامی دورہ ہے۔

یہ بھی دیکھیں

یوکرینی صدر کا دورہ برطانیہ: پارلیمنٹ سے خطاب اور شاہ چارلس سے ملاقات کریں گے

کیف:یوکرین کے صدر ولادیمیر زولینسکی برطانیہ کے دورے پر پہنچ گئے۔لندن سے میڈیا رپورٹ کے …