جمعرات , 2 فروری 2023

نواز شریف کی پنجاب الیکشن کے لیے کارکنان کو بھرپور تیاری کی ہدایت

لندن: پاکستان مسلم لیگ (ن) کے قائد نواز شریف نے پارٹی رہنماؤں اور کارکنان کو پنجاب میں انتخابات کی تیاری کی ہدایت دے دی۔ذرائع کے مطابق لندن میں نوازشریف کی زیر صدارت مسلم لیگ ن کی پارٹی قیادت کا اہم مشاورتی اجلاس ہوا، جس میں مختلف امور اور بالخصوص پنجاب کی سیاسی صورت حال پر گفتگو کی گئی۔

نوازشریف نے پنجاب اسمبلی کی تحلیل کے بعد صوبائی حلقوں پر ہونے والے ضمنی الیکشنز میں بھرپور حصہ لینے کا اعلان کرتے ہوئے پارٹی رہنماؤں اور کارکنان کو انتخابات کی تیاری کی ہدایت کردی۔

نوازشریف نے پارٹی صدر محمد شہباز شریف کو پارلیمانی بورڈ قائم کرنے کی ہدایت بھی کی اور کہا کہ پورے جذبے، اعتماد اور بھرپور تیاری اور قوت سے آگے بڑھیں، انشاءاللہ فتح پاکستان مسلم لیگ ن کی ہو گی۔

یہ بھی دیکھیں

گورنر پنجاب کا صوبائی اسمبلی کے انتخابات کی تاریخ دینے سے انکار

لاہور: گورنر پنجاب بلیغ الرحمان نے صوبائی اسمبلی کے عام انتخابات کی تاریخ دینے سے …