منگل , 31 جنوری 2023

ایران:جنرل قاآنی کا شہید سلیمانی اور المہندس کے جائے شہادت کا دورہ

تہران:سپاہ پاسداران انقلاب اسلامی کی قدس فورس کے کمانڈر نے پیر کے روز عراق کا دورہ کیا۔ اس دوران وہ شہید قاسم سلیمانی اور شہید المہندس کی جائے شہادت پر بھی گئے۔

سپاہ پاسداران انقلاب اسلامی کی قدس فورس کے کمانڈر جنرل اسماعیل قاآنی نے پیر کے روز عراق کا دورہ کیا۔ انہوں نے اپنے دورہ بغداد کے دوران قدس فورس کے سابق کمانڈر شہید جنرل قاسم سلیمانی اور عراق کے پاپولر موبلائزیشن یونٹس کے سیکنڈ ان کمانڈ شہید ابومہدی المہندس کے مقام شہادت پر حاضری دی اور دہشت گردی کے خلاف جنگ کے کمانڈروں کو خراج عقیدت پیش کیا۔

جنرل قاانی نے آیت اللہ شہید سید محمد باقر حکیم کی اہلیہ کی وفات کی تعزیت کے لیے بھی گئے اور سید عمار الحکیم کو تعزیت پیش کی اور فاتحہ خوانی کی۔

یاد رہے کہ 3 جنوری 2020 کو بغداد کے بین الاقوامی ایئرپورٹ کے قریب امریکی ڈرون حملے میں ایران کے سپاہ پاسداران کی قدس فورس کے سابق کمانڈر جنرل سلیمانی کو قتل کر دیا گیا۔ یہ حملہ – جس میں عراق کے پاپولر موبلائزیشن یونٹس کے انسداد دہشت گردی گروپ کے سیکنڈ ان کمانڈ ابو مہدی المہندس سمیت کئی دیگر افراد بھی مارے گئے – اس وقت ہوا جب جنرل سلیمانی عراق کے سرکاری دورے پر تھے۔

یہ بھی دیکھیں

مغربی ممالک جلد ہی لڑاکا طیارے بھی فراہم کریں گے، یوکرینی وزیراعظم

کیف:یوکرین کے وزیراعظم ڈینیس شماہل نے کہا ہے کہ مغربی ممالک جلد ہی لڑاکا طیارے …