اتوار , 5 فروری 2023

یورپی یونین سپاہ پاسداران کو دہشت گردوں کی فہرست میں نہیں ڈال سکتی:جوزف بوریل

لندن:جوزف بوریل نے کہا کہ یورپی یونین کی عدالت کی منظوری کے بغیر سپاہ پاسداران کو نام نہاد "دہشت گرد” کی فہرست میں نہیں ڈالا جاسکتا۔ یورپی یونین کی خارجہ پالیسی کے سربراہ جوزپ بوریل نے یورپی پارلیمنٹ کی جانب سے سپاہ پاسداران انقلاب اسلامی کو نام نہاد دہشت گردی کی لسٹ میں ڈالنے کی غیر معقول درخواست کا حوالہ دیتے ہوئے کہا ہے کہ ہم یورپی یونین میں عدالتی فیصلے کے بغیر ایسا نہیں کر سکتے۔

انہوں نے برسلز میں یورپی یونین کے وزرائے خارجہ کے اجلاس سے پہلے کہاکہ آپ عدالت کے فیصلے کے بغیر ایسا فیصلہ نہیں کر سکتے اور اس حوالے سے عدالت کو پہلے فیصلہ کرنا چاہیے۔ جن کو ہم پسند نہیں کرتے انہیں دہشت گرد نہیں کہہ سکتے۔

انہوں نے مزید کہا کہ اس سے پہلے کہ یورپی یونین کارروائی کرے، یورپی یونین کے رکن ممالک میں سے کسی ایک عدالت کو اس معاملے پر ایک غیر متنازعہ اور قطعی قانونی فیصلہ جاری کرنا ہوگا۔

یہ بھی دیکھیں

بھارت کا روسی پیٹرول کی ادائیگیاں ڈالر کے بجائے درہم میں کرنے کا فیصلہ

نئی دہلی: بھارت نے روس سے تیل کی خریداری کے لیے ادائیگی ڈالر کے بجائے …