نیتن یاہو نے فلسطینی گاؤں خان احمر کو خالی کرانے اور اسے مسمار کرنے کے فیصلے سے پسپائی اختیار کرلی

یروشلم:صیہونی حکومت کے وزیر اعظم نے فلسطینی گاؤں خان احمر کو خالی کرانے اور اسے مسمار کرنے کے فیصلے سے پسپائی اختیار کرلی ہے۔خبروں میں بتایا گیا ہے کہ صیہونی حکومت کے وزیر اعظم بن یامین نیتن یاہو نے مقبوضہ بیت المقدس میں فلسطینی گاؤں خان احمر کی مسماری کے منصوبے کو ملتوی اور اسرائیلی سپریم کورٹ کو اس سے آگاہ کر دیا ہے۔

کہا جا رہا ہے کہ یہ فیصلہ صیہونی حکومت کے وزیر خزانہ سموٹریچ کے ساتھ اتحاد کے معاہدے کے بالکل خلاف ہے اور یہ صیہونی حکومت کی کابینہ کے بنیاد پرست اتحاد میں شامل فریقین کے درمیان کشیدگی اور اختلافات میں اضافے کا باعث بن سکتا ہے۔