اقوام متحدہ کا شام میں زلزلے کے متاثرین کی مدد کیلئے سیاسی تحفظات کو دور کرنے کا مطالبہ

دمشق:شام میں اقوام متحدہ کے انسانی ہمدردی کے رابطہ کار نے امریکہ کی سخت پابندیوں کے باوجود شامی متاثرین کی مدد کرنے میں مشکلات کی طرف اشارہ کرتے ہوئے کہا ہے کہ شام میں زلزلہ کے متاثرین کی مدد کے لیے سیاسی تحفظات کو دور کرنا چاہیئے۔

عمران رضا نے کہا کہ شام کی وزارت خارجہ نے ہمیں یقین دلایا کہ دمشق امداد قبول کرنے کے لیے تیار ہے اور ہمیں امید ہے کہ سیاسی تحفظات کو ایک طرف رکھا جائے گا تاکہ امداد شام تک پہنچ سکے۔

انہوں نے کہا کہ ہمیں امید ہے کہ ترکی کی سرحدوں کے ذریعہ جلد انسانی امداد شام پہنچ ہوگی۔واضح رہے کہ پیر کی صبح سویرے ترکی کے جنوب اور شام کے شمالی علاقے میں 7/8 کی شدت سے زلزلے کے جھٹکے محسوس ہوگئے۔