پیر , 22 اپریل 2024

بذریعہ ٹرین ایران کو ہر ماہ 30 ہزار ٹن چاول بھیجنےکا معاہدہ تکمیل کے قریب

اسلام آباد:وفاقی وزیر ریلوے خواجہ سعد رفیق نے کہا ہے کہ بذریعہ ٹرین ایران کو ہر ماہ 30 ہزار ٹن چاول بھیجنے کا معاہدہ تکمیل کے قریب ہے۔لاہور میں خواجہ سعد رفیق کی زیرِ صدارت اجلاس ہوا جس میں قراقرم ایکسپریس، کراچی ایکسپریس اور پاک بزنس ایکسپریس کو 120 دن میں اپ گریڈکرنےکا فیصلہ کیا گیا۔

خواجہ سعد رفیق نےکہا کہ خیبر میل اور جعفر ایکسپریس کی بھی بہتر مینٹیننس کی جائےگی۔جاری اعلامیے کے مطابق ڈرائی پورٹس آمدن کو 2 ارب روپے تک لے جانے کا ٹاسک دیا گیا ہے، اس کے علاوہ بلوچستان میں سیلاب سے متاثرہ ہرک برج کی بحالی پر پیشرفت کا جائزہ لینے کا کہا گیا ہے۔

اعلامیے میں کہا گیا کہ سبی اور تفتان ریلوے اسٹیشنز کی اپ گریڈیشن کے لیے پلان تیار کیا جائے، کوئٹہ اور زاہدان کے درمیان فریٹ سفری دورانیہ میں کمی کے لیے حکمت عملی بھی تیار کرنےکا کہا گیا ہے۔

 

یہ بھی دیکھیں

حماس کے خلاف جنگ میں شرکت کا امریکی اعتراف

واشنگٹن:امریکی وزارت دفاع نے اعلان کیا ہے کہ غزہ میں جنگ بندی کے ساتھ امریکہ …