روسی فوج نے یوکرین کے شمالی باخموت کے نواحی شہر پراسکو ویوکا پر قبضہ کرلیا

کیف:روسی فوج نے یوکرین کے شمالی باخموت کے نواحی شہر پراسکو ویوکا پر قبضہ کرلیا ہے۔ماسکو میں روسی وزارت دفاع نے بتایا ہے کہ پراسکو ویوکا شہر کو یوکرینی فوجیوں سے مکمل طور پر پاک کردیا گیا ہے اور یہ شہر پورے طور سے ہمارے کنٹرول میں ہے۔

اس شہر پر قبضے کے بعد یوکرینی فوج کی سپلائی لائن منقطع اور باخموت کی جانب روسی فوج کی پیشقدمی کا راستہ ہموار ہوگیا ہے۔برطانوی خبر رساں ادارے رائٹرز کا کہنا ہے کہ باخموت شہر پر قبضہ کرنا روسی صدر کے مقرر کردہ فوجی اہداف میں سے ایک ہے۔دفاعی مبصرین کے مطابق باخموت پر قبضے کے بعد روس کو دونیسک ریجن پر واضح برتری حاصل ہوجائے گی۔