تیونس میں عرب ممالک کے وزرائے داخلہ کا اجلاس

تیونس:جمہوریہ تیونس کے صدر قیس سعید کی صدارت میں تیونس میں عرب وزرائے داخلہ کا اجلاس ہوا۔سعودی میڈیا کے مطابق سعودی عرب کے وفد کی قیادت سعودی وزیر داخلہ شہزادہ عبدالعزیز نے کی۔

اس موقع پر سعودی عرب کے وزیر داخلہ نے کہا کہ دنیا میں منشیات کا پھیلاؤ سب سے خطرناک ہے۔شہزادہ عبدالعزیز نے کہا کہ انسداد منشیات کے لیے تعاون اور تجربات کا تبادلہ ناگزیر ہے۔

سعودی میڈیا کے مطابق شہزادہ عبدالعزیز سے کئی عرب ممالک کے وزرائے داخلہ کی ملاقاتیں بھی ہوئیں۔یمن، لیبیا، لبنان، صومالیہ، جبوتی اور فلسطین کے وزرائے داخلہ نے ملاقاتیں کیں۔