ایران کے ایٹمی سائنسدانوں کی نمایاں کامیابیاں

ایران کی ایٹمی توانائی کے ادارے کے سربراہ نے کہا ہے کہ گذشتہ ایک سال کے دوران، ایران کے ایٹمی سائنسدانوں نے تیس نمایاں کامیابیاں حاصل کی ہیں۔ایران کی ایٹمی توانائی کے ادارے کے سربراہ محمد اسلامی نے بتایا کہ گذشتہ ایک سال کے دوران ملک کی ایٹمی تحقیقات، ٹیکنالوجی اور صنعت کے شعبوں میں تیس بڑے اور کامیاب نمونے منظر عام پر آئے ہیں جو اس ادارے کی تاریخ میں بے نظیر ہے۔

انہوں نے کابینہ کے اجلاس کے موقع پر صحافیوں سے گفتگو کرتے ہوئے کہا کہ رواں شمسی سال کی ابتدا میں جن اہداف کا اعلان کیا تھا اسے مکمل طور پر حاصل کیا۔انہوں نے بتایا کہ ایٹمی صنعت میں سرگرم نوجوان ایرانی سائنسدانوں اور ماہرین نے اس شعبے کے لئے ضروری اور ترقی یافتہ وسائل کی تعمیر اور پیداوار میں بھی نمایاں کارکردگی کا مظاہرہ کیا۔