شوگر کے مریض بغیر پریشانی کے کیسے روزے رکھ سکتے ہیں؟

لندن:طبی ماہرین نے کہا ہے کہ ذیابطیس (شوگر) کے مریض اپنے معالج کے مشورے سے بغیر کسی دشواری کے رمضان کے پورے روزے رکھ سکتے ہیں، رمضان المبارک میں شوگر چیک کرنے اور انسولین لگانے سے روزہ نہیں ٹوٹتا۔

اب شوگر اور دل کی بیماریوں میں مبتلا افراد بھی با آسانی روزے رکھ سکتے ہیں۔ طبی ماہرین کے مطابق مریض اپنی ادویات اور انسولیشن کی ڈوزز میں تبدیلی کرکے روزے کا فرض ادا کرسکتے ہیں۔ انہوں نے مشورہ دیا کہ ایسے افراد سحر و افطار میں مناسب اور سادہ لیکن صحت بخش غذا استعمال کریں۔

ماہر امراض ذیابطیس ڈاکٹر عبدالباسط کا کہنا ہے کہ دل کے مریض سحر و افطار میں بسیار خوری (اوور ایٹنگ)، تلی ہوئی اشیاء اور میٹھے مشروبات سے گریز کریں۔ماہرین کا کہنا ہے کہ رمضان المبارک میں شوگر چیک کرنے اور انسولین لگانے سے روزہ نہیں ٹوٹتا۔

ماہرین کہتے ہیں کہ افطار سے سحری کے دوران پانی زیادہ سے زیادہ پئیں۔ماہرین نے مزید کہا کہ ہمارے ہاں شوگر، دل اور بلڈ پریشر کے شکار افراد کی اکثریت کو یہ علم ہی نہیں ہوتا کہ وہ ماہ مقدس میں کس طرح محفوظ طریقے سے روزہ رکھ سکتے ہیں۔