جمہوری محاذ برائے آزادی فلسطین کا آذربائیجان سے اسرائیل میں اپنا سفارت خانہ بند کرنے کا مطالبہ

مقبوضہ بیت المقدس:جمہوری محاذ برائے آزادی فلسطین نے آذربائیجان کی حکومت سے مطالبہ کیا کہ وہ مقبوضہ بیت المقدس میں اپنا سفارت خانہ کھولنے کا فیصلہ واپس لے۔

ڈیموکریٹک فرنٹ نے ایک پریس بیان میں کہا کہ یہ قدم اسرائیلی قابض ریاست کو ہمارےعوام کے خلاف اپنے جرائم اور بین الاقوامی قراردادوں کی خلاف ورزی کرنے میں آگے بڑھنے کی ترغیب دے گا۔ بیان میں کہا گیا ہے کہ آذربائیجان کی حکومت جیسے ممالک کو اپنا سفارت خانہ مقبوضہ بیت المقدس میں منتقل نہیں کرنا چاہیے۔ یہ اقدام اقوام متحدہ کی سلامتی کونسل کی قرارداد 2334 کی خلاف ورزی ہے۔

خیال رے کہ چند روز قبل وسطی ایشیائی ریاست آذربائیجان نے اسرائیل کے ساتھ سفارتی تعلقات کو آگے بڑھاتے ہوئے صہیونی ریاست میں اپنا سفارت خانہ کھولا ہے۔