ہفتہ , 20 اپریل 2024

موٹرولا کی ریزر 40 فولڈ ایبل سیریز کی رونمائی یکم جون کو ہوگی

شیکاگو: موبائل بنانے والی کمپنی موٹرولا نے اپنے ریزر 40 فولڈ ایبل سیریز کی لانچنگ کی تاریخ کا اعلان کر دیا۔سماجی رابطے کی ویب سائٹ ٹوئٹر پر اپنی ٹوئٹ میں موٹرولا نے تصدیق کی ہے کہ یکم جون کو منعقد ہونے والی تقریب میں فولڈ ایبل سیریز کی رُونمائی کی جائے گی۔

ٹوئٹ میں پیوست ٹیزر میں تقریب کے انعقاد کی جگہ کا حوالہ نہیں دیا گیا لیکن ٹیزر میں واضح طور پر دو فولڈ ایبل ڈیوائسز کو دیکھا جاسکتا ہے۔

ڈیوائسز کے متعلق ہونے والی اب تک کی لیکس میں یہ بات سامنے آئی ہے کہ کمپنی ریزر 40 سیریز میں دو فولڈ ایبل فونز متعارف کرائے جانے والے ہیں، پہلا ’ریزر 40 الٹرا‘ ایک فلیگ شپ ڈیوائس ہوگی، اس میں اسنیپ ڈریگن 8+ جین 1 پروسیسر اور ایک بڑا بیرونی کوور ڈِسپلے نصب ہوگا۔

جبکہ دوسری ڈیوائس اسٹنڈرڈ ’ریزر 40‘ ہوگی جس کا بیرونی کوور ڈسپلے تو چھوٹا ہوگا لیکن باقی ہارڈ ویئر وہی ہوں گے۔کمپنی کی جانب سے فی الحال قیمتوں کے متعلق واضح طور پر کچھ نہیں بتایا گیا ہے۔

 

یہ بھی دیکھیں

لکڑی سے بنا دنیا کا پہلا سیٹلائیٹ آئندہ برس لانچ کیا جائے گا

کیوٹو: امریکی خلائی ادارہ ناسا اور جاپان ایرو اسپیس ایکسپلوریشن ایجنسی (جے ای ایکس اے) …