Iblagh News | حقائق تک رسائی اور ان کا ابلاغ
لندن: کینیڈا سے تعلق رکھنے والے ایک شخص نے کم وقت میں دنیا کی تیز ترین 50 مرچیں کھانے کا ریکارڈ بنا دیا۔سبزی خور مائیک جیک نے 6 منٹ اور 49.2 سیکنڈ میں 50 کیرولائنا ریپرز (جو ہیلاپینو مرچوں سے سیکڑوں گنا زیادہ تیز ہوتی ہیں) کھا کر گینیز ورلڈ ریکارڈ اپنے نام کیا اور ایک نشست میں 135 مرچیں کھائیں۔
اس کوشش کے بعد جیک ایک نشست میں سب سے زیادہ کیرولائنا ریپرز مرچیں کھانے والوں کے لیگ بورڈ میں دوسرے نمبر پر آگئے۔ان کا کہنا تھا کہ انہوں نے گزشتہ 20 سالوں میں تیکھے کھانوں کو بردارشت کرنے کی عادت ڈالی لیکن ابھی بھی انہیں مشکل پیش آتی ہے۔
انہوں نے کہا کہ مرچوں کا ابتدائی تجربہ شدید ہوتا ہے۔ دوسرا تجربہ اتنا برا نہیں ہوتا لیکن جیسے جیسے مرچیں منہ میں نئی جگہوں تک پہنچتی ہیں مرچوں کی شدت میں تیزی آجاتی ہے۔جیک کا یہ بھی کہنا تھا کہ منہ میں ہونے والی تکلیف کا معدے کی تکلیف سے کوئی مقابلہ نہیں ہے۔
