امریکہ: اسرائیل اور یوکرین کیلئے2 ارب ڈالر مالیت کے ہتھیاروں کا پیکج

واشنگٹن:امریکہ کیف اور تل ابیب کو مزید ہتھیار فراہم کر کے جنگ کی آگ کو مزید بھڑکانے کی کوشش کر رہا ہے۔امریکہ کے قومی سلامتی کے مشیر جیک سالیوان نے بھی کہا ہے کہ کیف اور تل ابیب کے لئے دو ارب سے زائد ڈالر مالیت کے ہتھیاروں کے پیکج کو مد نظر رکھا گیا ہے۔ انھوں نے کہا کہ امریکی صدر جوبائیڈن اس امدادی پیکج کی حمایت کے بارے میں اس ہفتے امریکی کانگریس کے ساتھ اہم مذاکرات بھی کریں گے۔

یوکرین کے وزیر خزانہ نے مغرب میں عالمی بینک اور آئی ایم ایف کے اجلاس کے موقع پر کہا ہے کہ کیف کو مزید کوشش کرنا ہوگی تاکہ وہ اپنے شرکا کو اس بات پر راضی کر سکے کہ وہ یوکرین کے لئے اپنی حمایت جاری رکھیں۔