نواز شریف کی آمد پر طیارے سے لاہور شہر پر پھول نچھاور کیے جائیں گے

لاہور: مسلم لیگ (ن) کے قائد نواز شریف کی آمد پر سیسنا طیارے سے لاہور شہر پر پھول نچھاور کیے جائیں گے۔ن لیگ نے نجی فضائی کمپنی سے رابطہ کرلیا جبکہ نجی فضائی کمپنی کو سول ایوی ایشن اتھارٹی نے اجازت بھی دے دی۔ 21 اکتوبر کو سیسنا طیارے لاہور شہر پر پھول نچھاور کرے گا۔

سی اے اے نے پھول نچھاور کرنے کی اجازت کا نوٹی فکیشن جاری کردیا۔ نواز شریف کی آمد پرسہ پہر 3 بجے ڈیڑھ گھنٹہ دو طیارے شہر پر پھول نچھاور کریں گے۔