پیر , 11 دسمبر 2023

انڈونیشین علماء نے اسرائیل کے حامیوں کیخلاف اجتماعی فتویٰ دے دیا

جکارتہ:انڈونیشیا کے علماء نے اسرائیلی مصنوعات کے بائیکاٹ کا اجتماعی فتویٰ جاری کیا ہے۔ فتوے میں کہا گیا ہے ایسی کمپنیاں جو اسرائیل کی حمایت کرتی ہیں.ان کی مصنوعات اور خدمات کا بائیکاٹ کر کے فلسطینیوں کے ساتھ اظہار یکجہتی کیا جائے۔انڈونیشین علماء کے مشترکہ پلیٹ فارم ‘ایم یو آئی’ کی طرف سے جاری کیے گئے اجتماعی فتوے میں مسلمانوں سے کہا گیا ہے کہ وہ اسرائیل کیخلاف ہر محاذ پر جدوجہد کریں۔

فتوے میں اسرائیل اور اس کے حامیوں کی کسی بھی طرح مدد کرنے کو اسلامی تعلیمات کی خلاف ورزی اور حرام قرار دیا گیا ہے۔ایم یو آئی’ کی کونسل کے سربراہ نے صحافیوں سے بات کرتے ہوئے تمام مسلمانوں سے اپیل کی کہ جس حد تک ممکن ہو اسرائیل سے تعلق رکھنے والے اداروں کا ہر سطح پر بائیکاٹ کریں۔ ان کا کہنا تھا ہم ایسے فریق کی کس طرح حمایت کر سکتے ہیں جو فلسطینیوں کے خلاف بر سر جنگ ہو، ہم ان کی اشیاء کس طرح خرید اور استعمال کر سکتے ہیں جو فلسطینیوں کے قتل کی حمایت کرتے ہیں۔

انڈونیشین علماء کا یہ فتویٰ اس وقت سامنے آیا ہے جب دنیا بھر میں مسلمان اسرائیل کی حامی کمپنیوں کے مال اور خدمات کا بائیکاٹ کر رہے ہیں۔

 

یہ بھی دیکھیں

ترک صدر اردوغان نے نیتن یاہو کو غزہ کا قصائی قرار دیدیا

انقرہ:ترک صدر رجب طیب اردوغان نے نیتن یاہو کو غزہ کا قصائی قرار دیا ہے۔ترکی …