ہفتہ , 20 اپریل 2024

اسرائیل کو تمام فلسطینی قیدیوں کی رہائی پر مجبور کریں گے: جہاد اسلامی

مقبوضہ بیت المقدس:فلسطین کی اسلامی جہاد تحریک کے سیکریٹری جنرل نے کہا ہے اگر دشمن اسرائیل کو دوران جنگ بھاری نقصانات اٹھانے نہ پڑتے تو وہ ہرگز قیدیوں کے تبادلے کو قبول نہ کرتا۔ المیادین کی رپورٹ کے مطابق فلسطین کی اسلامی جہاد تحریک کے سیکریٹری جنرل زیاد النخالہ نے کہا ہے کہ اگر دشمن اسرائیل کو دوران جنگ بھاری نقصانات اٹھانے نہ پڑتے تو وہ ہرگز قیدیوں کے تبادلے کو قبول نہ کرتا۔

انہوں نے لبنان کی حزب اللہ، عراق، شام اور یمن کی اسلامی مزاحمت کا شکریہ ادا کرتے ہوئے کہا کہ وہ اہداف جو دشمن اسرائیل نے اپنے لیے مقرر کیے تھے جن میں مزاحمت کی تباہی بھی شامل ہے، وہ اب بھی ان اہداف کے حصول کے لئے سرتوڑ کوشش کر رہا ہے۔ لہذا ہمیں دشمن اسرائیل کو شکست دینے کے لیے جنگ جاری رکھنی چاہیے۔

زیاد النخالہ نے واضح کیا کہ دشمن کے باقی قیدی افسران اور سپاہی ہمارے تمام قیدیوں کی رہائی کے بغیر آزادی کا خواب نہیں دیکھ سکیں گے۔ ہم دشمن کو اپنے تمام قیدیوں کو رہا کرنے پر مجبور کریں گے۔

 

یہ بھی دیکھیں

ترک صدر اردوغان نے نیتن یاہو کو غزہ کا قصائی قرار دیدیا

انقرہ:ترک صدر رجب طیب اردوغان نے نیتن یاہو کو غزہ کا قصائی قرار دیا ہے۔ترکی …