جمعہ , 23 فروری 2024

روس نے فیس بک کے ترجمان کو مطلوب افراد کی فہرست میں شامل کرلیا، فوجداری تحقیقات شروع

ماسکو:روس نے فیس بُک کے ترجمان کو مطلوب افراد کی فہرست میں شامل کرلیا ہے۔خبر رساں ادارے روئٹرز نے اتوار کو سرکاری میڈیا کا حوالہ دیتے ہوئے کہا کہ روس نے میٹا پلیٹ فارمز کے ترجمان اینڈی سٹون کومطلوبہ فہرست میں شامل کیا ہے۔

روسی وزارت داخلہ نے بھی اینڈی سٹون کے خلاف مجرمانہ تحقیقات کا آغاز کیا لیکن تحقیقات کی تفصیلات یا ان کے خلاف الزامات کو ظاہر نہیں کیا ہے۔

میٹا کے اہم سوشل پلیٹ فارمز جن میں فیس بک اور انسٹاگرام دونوں کو روس میں گزشتہ سال فروری میں یوکرین پر ماسکو کے حملے کے فوراً بعد پابندی لگا دی گئی تھی۔

روئٹرز کے مطابق ایک روسی تحقیقاتی کمیٹی نے مارچ 2022 میں کہا تھا کہ اس نے میٹا کے ملازمین کے غیر قانونی اقدامات کے خلاف مجرمانہ تحقیقات شروع کیں اور اینڈی اسٹون کا ذکر کیا تھا۔

کمیٹی نے ان پر روسی فوج کے پلیٹ فارمز پر تشدد کی کالوں پر پابندی ہٹانے کے بعد انتہا پسندانہ سرگرمیوں کو ہوا دینے کا الزام عائد کیا تھا۔

اینڈی سٹون کے خلاف یہ کارروائی جمعرات کو ایک روسی عدالت کی جانب سے یوکرین میں روس کے خصوصی فوجی آپریشن کے بارے میں جعلی معلومات کو حذف نہ کرنے پر الفابیٹ کے گوگل پر 44,582 امریکی ڈالر کا جرمانہ عائد کرنے کے تین دن بعد سامنے آئی ہے۔

یہ بھی دیکھیں

ترک صدر اردوغان نے نیتن یاہو کو غزہ کا قصائی قرار دیدیا

انقرہ:ترک صدر رجب طیب اردوغان نے نیتن یاہو کو غزہ کا قصائی قرار دیا ہے۔ترکی …